"Mapa duela gutxiko asmakuntza da. Itsasontzien asmakuntzaren ondoren iritsi zen. Itsasontziak gizakiaren asmakuntzaren ondoren iritsi ziren. Eta gizakia itsasoaren urdinaren asmakuntzaren ondoren iritsi zen. Mapak existitu aurretik, gizakia munduan bizi zen eta munduan zehar ibiltzen zen, noraezean; mapa asmatu ondoren, hura arakatu, aztertu eta ezagutu ahal izan zuen. Mapak ez zuen bidaia posible egin, posible baitzen, eta ez zuen bidaiatzea erraztu ere egin; hori bai, bidaia gauzatu aurretik imajinatzea eta, amaitu ondoren, kontatzea ahalbidetu zuen. Guztiarekin ere, eta gure literatur fantasia legitimoen aurka, maparen iraultza handiak ez du zerikusirik mugimenduarekin; alderantziz, mapak aukera ematen digu non gauden identifikatzeko, naturaren etengabeko jarioaren aurrean gure lasaitasuna aldarrikatzeko eta ordena artifizial bat ezartzeko: hemen gaude.”  
Tailerrak, kartografiaren berezko baliabide ikonografikoak erabiliz, esperientziari ainguratutako kontakizun plastiko bat marraztea du helburu.