DISEINATU ZURE FIKZIOZKO PERTSONAIA
Pertsonaien diseinua komiki baterako, animazio tradizionalerako (2D) edo 3Dan, zinerako edo bideojoko baterako izan daiteke.
Pertsonaien diseinatzaileek beraien ametsak egi bihurtzeko aukera dute beraien imajinazioan soilik bizi diren horiei bizitza emanez eta jende asko gogoko izaten amaitzen dute, askotan, mundu mailan ezagunak diren ikonoak bihurtuz. Tailer honen helburua izango da parte-hartzaile bakoitzak bere pertsonaia propioa diseinatzea, printzipioetan, tekniketan eta artista profesionalek erabiltzen dituzten hainbat trukutan sakonduz.
Tailerrean DigiPen Europe Bilbaor-en Arte Digitala eta Animazioan Arte Ederretako Unibertsitate Graduko lehen mailan egiten diren ariketa errealen bertsio motzak ikusiko dira.
Tailerraren helburua parte-hartzaile bakoitzak bere pertsonaiak diseinatzea da oinarrizko printzipioak aztertuz, esaterako, irudia, proportzioak, publiko objektiboa, narrazio-generoa edo animazio film labur baterako, komiki baterako edo bideojoku baterako den. Gainera, aztertuko da nola eragiten duten diseinuan bere ezaugarri morfologikoak, sozialak eta psikologikoak eta zer egin behar den diseinua koherentea izateko kontatu nahi den historiarekin.
Aurreikusitako iraupena: 1,5 ordu.
Kokapena
Hizlariak
Carlos Varelak Euskal Herrian ekoitzitako animaziozko lehen film luzean egin zuen lan 1985ean. Harrezkero animazioan aritu da lanean, formatu guztietan, filmak, telebista, iragarkiak, bideo jokoak zein webguneak landuz. Entretenimenduzko enpresa lider askorentzat egin du lan Varelak, tartean Warner, Universal, BBC, RAI edota Globomedia konpainientzat. Telebistako animaziozko serieen diseinatzaile zein zuzendari gisa ere aritu da; horrez gain, lau film luze zuzendu ditu, eta beste lauren zuzendari laguntzailea izan da. Varelak bi GOYA sari lortu ditu Espainiako Zinema Akademiaren eskutik, eta beste hainbat alditan finalista izan da. Berriki Houstongo Zinema Jaialdian bi sari lortu dituen film batean bera arduratu da sorkuntza diseinuaz eta lana zuzentzeaz; filmak, hain zuzen ere, Animaziozko Film Luzerik Onenari eta Animazioan Aplikatutako Berrikuntza Teknologikorik Onenari sariak eskuratu ditu flash animazio softwarea film batean erabiltzeagatik. Varelaren esperientzia storyboard eta pertsonaien diseinuan datza; animazio zuzendaria ere izan da eta gidoilari gisa kolaboratu izan du. Urte luzeko esperientzia dauka animazio eta bideo jokoen ekoizpenari lotutako irakasgaiak.
