Gure gizarteak aurre egin beharreko erronkak konplexuak eta zorrotzak dira, eta ikuspegi desberdin, berritzaile eta prospektibo batekin jorratu behar dira. Etorkizunak irudikatzea aurrez pentsatutako narratibak eta ideiak zalantzan jarriz, eta agertoki horiei buruz eztabaidatzea, ideiak modu eskuragarrian eta sortzailean probatzeko eta esploratzeko aukera ematen digu: espekulatzeak aukera ematen digu "ona" edo "txarra"ren eztabaida polarizatuetatik haratago joateko, eta iritzi ez hain agerikoak eta egungo gatazkek eta faktoreek -eraikuntzako eta prospektibako klabeak- hain mediatizatuak adierazteko.
Jardunaldi ireki honetan, Bilborako gerokoen zenbait ikuspegi azaldu eta kontrastatuko dira, gaian adituak diren pertsonen esku-hartzeen bidez eta "hirien etorkizunaren geroa" tailerrean azaleratutako ideiak eta agertokiak bateratuz. Esparru-ponentzia gisa, Elisabet Rosellók gerokoen pentsamenduaren sarrera bat egingo du, ikuspegi sortzaile eta kritikoarekin, etorkizunari buruzko oinarri, mito eta egitura ohikoenak aurkeztuz; izan ere, horiek blokeatu egiten gaituzte haratago pentsatzeko eta etorkizuneko paradigma berriak aurkitzeko orduan, hainbat errealitate erraztu, hobetu eta eraldatze aldera. Ondoren, eta itxiera gisa, Ane Abarrategi (TIPI, Bilbo), Frances Brown Dunde (Eskozia, Erresuma Batua) eta Karlheinz Boiger "Breathe Earth Collective" Graz (Austria), UNESCO Creative Cities Network-ekin lankidetzan sortu zen lan-taldeko kideak; "Hirien etorkizunaren geroa" tailerraren emaitzak aurkeztuko dituzte.
Programa
Kokapena
Hizlariak
Elisabet Roselló (1989) Postfuturear-en sortzailea da, Etorkizuneko Ikasketen pedagogia-plataforma bat eta estrategi-prospektiban ikerketa eta sormen estudio bat.
Historian lizentziatua da Bartzelonako Unibertsitatean, eta Centre for Postnormal policy and Futures Studies-eko (CPPFS) Fellow da.
Aholkularia, ikertzailea eta proiektu kulturalen kudeatzailea izan da agentzia eta unibertsitatea ezberdinetan eta ezberdinentzat. Bere pasiorik handiena, aldaketak nola aldatzen diren ulertzea da eta nola erlazionatzen diren gure errealitatearen kudeaketarekin, eta ezagutza hori erabilgarria izatea talde, erakunde eta talde sozial ezberdinentzat.
Sare eta komunitate eraikitzaile aditua, diseinatzailea, hezitzailea eta arazo egile positiboa.
Sortzaile irekia, kementsua eta enpatikoa naiz. Kontzeptutik errealitatera igaroz egiten dut aurrera, baita beste batzuei bide bera egitean laguntza emanez ere.
Gaur egun Etorkizuneko garapen holistikoan ari naiz lanean buru belarri, toki mailan Dundeen eta modu globalean The Queen’s Commonwealth Trust entitatean.
Esperientzia zabala daukat estrategia arloan, start-up esparruan, aholkulari lanetan, hezkuntza digitalean, ongintzako gobernantzan, aholkularitza komunitarioan, laguntza ematean eta lidergoan.
Aurretik izandako lan edo egindako kolaborazioen artean daude, besteak beste, Creative Dundee, NESTA, The London College of Fashion, Cambridgeko Unibertsitatea, Accelerator London, The Cabinet Office, The Commonwealth Secretariat, The Queen’s Young Leaders, The Queen's Diamond Jubilee Trust edota The National Consortium of College and University Entrepreneurs (NACUE) erakundeak.
Karlheinz Boiger arkitektoa Austrian jaio zen 1979an. Grazeko Unibertsitate Teknologikoan (Austria) eta Berlinen (Alemanian) egin zituen arkitektura ikasketak. Ikasten ari zela, 1999an, Hohensinn Architektur arkitektura estudioan hasi zen lanean. 2013tik 2014ra irakasle gisa egin zuen lan Grazeko Unibertsitate Teknologikoan, Arkitektura eta Paisaia Diseinurako Institutuan. Milango 2015eko Expo erakusketarako Austriako pabilioia osatzeko saria irabazi ondoren, Breathe Earth Collective taldea sortu zuen, diseinatzaile, arkitekto, ekologista eta artistek osatutako diziplinarteko thin-tank taldea; arkitektura eta ekosistema naturalen arteko loturekin lan egiteko modu berriak aurkitzea du xede taldeak, etorkizunean jardun hibridoak posible egiteko, prozesu naturalak eta teknologia iraunkorrak uztartuz. Aldi berean, Seewood egitasmo partekatuko proiektu kudeatzailea eta irakaslea da, zuraren arkitektura berritzaile eta ekologikoaren arloan espezializatutakoa. Hohensinn Architektur estudioarekin kolaboratzen hasi zenetik esperientzia luzea bildu du turismoaren eta arkitekturaren hainbat arlotan, baita espetxe diseinuaren ezohiko arloan ere.
